Интуицияның артында алынған ақпаратты талдау қабілеті тұр.

Интуицияны, басқа да қабілеттер сияқты, жаттықтыруға болады – яғни, егер осындай мақсат қойылса, интуицияны айтарлықтай «жақсартуға» болады, деп хабарлайды «РБК».

Кейбіреулер дамыған интуицияны мистикалық дағды, яғни ерекше қабілеттің бір түрі деп санайды. Бірақ шын мәнінде интуицияның артында алынған ақпаратты талдау қабілеті тұр – фактілерді салыстырып, қорытынды жасау үшін экстрасенс болудың қажеті жоқ. Алайда мұны шынымен тиімді орындау үшін тәжірибе қажет.

Визуализация жаттығуларынан бастауға болады. Олар мидың шығармашылық, күрделі бейнелер мен сезімдерге жауап беретін оң жарты шарын сергек ұстауға көмектеседі. Мамандар табиғат көріністерін визуализациялауға тырысуды ұсынады – ол үшін ыңғайлы қалыпта отырып, көзді жұмып, тыныштық пен қауіпсіздік сезімі ең күшті болатын жерді елестету керек. Орынды мүмкіндігінше егжей-тегжейлі елестету қажет – мысалы, егер бұл теңіз жағасы болса, желдің дыбысы мен судың шашырауын елестетіңіз.

Интуицияны дамытудың тағы бір тәсілі – медитация. «Алтыншы сезімді» жақсарту үшін стрессті және мазасыздықты тудыруы мүмкін кедергі ойлар ағынын өшіруді үйрену керек.

Ішкі дауысты тыңдау. Мысалы, жеңіл тамақ ішкенде, шынымен аштық сезімі бар ма, әлде бұл жай ғана әдет пе? Егер дұрыс таңдау жасалса, тыныштық пен жағымды жеңілдік сезімі пайда болады.