Ер адам қыздарға шабуыл жасап, ұялы телефонды тартып алды.

Нұр-Сұлтанда екі қызға шабуыл жасап, тонаған ер адамды куәгерлер ұстауға көмектесті, деп хабарлайды Total.kz.

Сағат 20:20-да Кордай көшесінде ер адам қыздарға шабуыл жасады. Қылмыскер қыздардың бірінің ұялы телефонын ашық түрде тартып алып, ізін жасырды. Осы кезде қылмыстың кездейсоқ куәгері болған екі жігіт қылмыскерді қуып, ұстап алып, оқиға орнына келген полиция қызметкерлеріне тапсырды.

30 жастағы күдікті мойындау көрсетпесін берді. Құны 80 мың теңге болатын ұялы телефон зардап шеккенге қайтарылды. Осы факті бойынша ҚР ҚК-нің 191-бабы (тонау) бойынша қылмыстық іс қозғалды. Тергеу жүргізілуде.

«Көбінесе бейжай қарамайтын, басқа адамдарға ойланбастан көмекке ұмтылатын азаматтардың белсенді азаматтық ұстанымы қылмыстарды ыстық ізінде ашуға көмектеседі», – дейді Нұр-Сұлтан қаласы ПД бастығы Ержан Саденов.