Ғалымдар КВИ-ден айыққаннан кейін жиі кездесетін симптомдар тізімін жариялады.

Ұлыбритания мамандары бұрын коронавирусты әртүрлі дәрежеде өткерген пациенттерде байқалатын ең жиі кездесетін симптомдар тізімін жариялады, деп хабарлайды «РИА Новости».

Ұлыбританияның Денсаулық сақтау және клиникалық жетілдіру ұлттық институты (NICE) постковидтық синдромды емдеу бойынша ресми нұсқаулық жариялағаны, онда оның негізгі белгілері көрсетілгені айтылады.

Ұзаққа созылатын денсаулық проблемаларының қатарына когнитивті бұзылулар, бас ауруы, аяқ-қолдардың шаншуы және ұюы, ұйқының бұзылуы, сондай-ақ шаршау және апатия жағдайы жатады.

Мамандардың нұсқауы бойынша, коронавирус инфекциясын өткергендер ұзақ уақыт бойы іштің ауруы, жүрек айну, диарея және анорексиядан зардап шегуі мүмкін, сондай-ақ жүрек соғысының бұзылуы, кеудедегі ауырсыну немесе қысылу сезімі байқалады.

Сонымен қатар, коронавирус өзінен кейін психологиялық проблемалар, депрессия және мазасыздық ұстамаларын қалдыратыны атап өтіледі. Ауырғандарда тері аурулары мен бөртпе сирек тіркеледі.

Ұсынылған нұсқаулықтар арқылы сарапшылар медицина қызметкерлерінің біліктілігін арттыруға және COVID-19-бен ауырған пациенттерге күтім көрсету сапасын жақсартуға үміттенеді.