«Евровидение–2021» сайысында коронавирусқа байланысты шектеулер жағдайында дайындалған қатысушылардың бейнежазбалары көрсетіледі.

«Евровидение–2021» ресми YouTube-арнасында музыкалық шоудың жалғасы туралы хабарлама пайда болды, деп хабарлайды «РИА Новости».

«Евровидение онлайн режимінде жалғасады», – делінген релизде.

Ұйымдастырушылар коронавирусқа байланысты шектеулер жағдайында алдын ала дайындалған қатысушылардың өнер көрсету бейнежазбаларын көрсетуге уәде берді. Жартылай финалистердің бейнероликтері 28 мамырда сағат 22:00-де, ал финалистердікі 29 мамырда дәл осы уақытта көрсетіледі.

«Әр қатысушы елдің тірі өнер көрсетудің резервтік жазбаларына (егер олардың қатысушылары Роттердамға жете алмаған жағдайда) еңбегін құрметтеу белгісі ретінде біз екі арнайы шоу жасадық», – деп қосылады хабарламада.

Жүргізуші Криста Зигфридс болады. Еске салайық, байқаудың финалы 22 мамырда өтті. Қазылар алқасы мен көрермендердің жалпы дауыс беру қорытындысы бойынша жеңімпаз Италия болды.