Шымкентте карантин 29 наурызға дейін ұзартылды.

Шымкенттің мемлекеттік санитариялық дәрігері Әбдіманап Төлебаев 2021 жылғы 8 наурыз сағат 00:00-ден бастап 2021 жылғы 29 наурыз сағат 00:00-ге дейін Шымкент аумағында карантин мен шектеу шараларын ұзарту туралы қаулы шығарды, деп хабарлайды Total.kz.

Шешім COVID-19 ауруының тіркелуінің жалғасуына, вирустық пневмониямен сырқаттанушылықтың өсуіне байланысты қабылданды.

Санитариялық дәрігер қаулысында Шымкенттің бас мемлекеттік санитариялық дәрігерінің 2021 жылғы 19 ақпандағы №4 және 2021 жылғы 1 наурыздағы №5 қаулыларына сәйкес шектеу шараларын сақтау қажеттігін көрсетті.