23 маусымда ҚР-да мемлекеттік қызметші күні атап өтіледі.

Қасым-Жомарт Тоқаев қазақстандық мемлекеттік қызметшілерді кәсіби мерекесімен құттықтады, деп хабарлайды Total.kz.

Құттықтауын ол Twitter-дегі парақшасында жариялады.

«Мемлекеттік қызметшілерді кәсіби мерекесімен құттықтаймын! 2003 жылы БҰҰ Бас Ассамблеясы Мемлекеттік қызметші күнін белгілеу туралы шешім қабылдады. Сіздерге Жаңа Қазақстанды құруда ерекше рөл жүктелген. Сіздердің жұмыстарыңыздың негізгі қағидаттары адалдық, кәсібилік, құзыреттілік, ашықтық болуы тиіс. Мемлекеттік қызметшілер қызметінің басты мақсаты – азаматтардың әл-ауқаты. Сіздерді халықтың сенімін толық ақтауға шақырамын!», – деді Қазақстан Президенті мемлекеттік қызметшілерге.