Бұған дейін ол компания басқарма төрағасының орынбасары қызметін атқарған.

«Қазақстан темір жолы» ҰК» АҚ басқарма төрағасы лауазымын Талгат Алдыбергенов иеленді, деп хабарлайды Total.kz.

Ол Батыс Қазақстан облысында дүниеге келген. Алматы теміржол көлігі инженерлері институтын және Ресей халық шаруашылығы және мемлекеттік қызмет академиясын бітірген.

Еңбек жолы:

  • БҚТЖ Орал бөлімшесінің Қазақстан станциясында тауар кассирі;
  • Орал ст. бастығының орынбасары, Орал бөлімшесінің жүк және коммерциялық жұмыс бөлімі бастығының орынбасары, БҚТЖ жол коммерциялық ревизоры;
  • «Желдорэкспедиция» МКК Ақтөбе филиалы директорының бірінші орынбасары (1998);
  • «ҚТЖ» РМК «Фирмалық көлік қызметі орталығы» МКК Ақтөбе филиалының директоры;
  • «ҚТЖ» МКК – «Қазтранссервис» директоры;
  • «КазМұнайГаз» САҚ «Көлік логистикасы департаментінің директоры;
  • «Кедентранссервис» АҚ президенті (2008);
  • көлік компанияларының басқарма төрағасы;
  • «Каспий» Тауар биржасы» АҚ президентінің кеңесшісі.

2024 жылдың маусымынан бастап ол «Қазақстан темір жолы» ҰК» АҚ басқарма төрағасының орынбасары қызметін атқарған.