Синоптиктер Қазақстан бойынша алдағы үш күнге ауа райы болжамын берді.

19 желтоқсаннан бастап Қазақстанның басым бөлігіне циклон әсер етеді, қар мен боран күтіледі, деп хабарлайды Total.kz.

Елдің оңтүстігінде, оңтүстік-шығысында жауын-шашын (жаңбыр, қар), көктайғақ, төменгі боран, екпінді жел болады.

Қатты қар 19-20 желтоқсанда солтүстік-батыста, солтүстікте және орталықта, ал 20 желтоқсанда елдің оңтүстік-шығысындағы таулы аудандарда күтіледі. 21 желтоқсаннан бастап батыс антициклонының ығысуымен елдің батысында, синоптиктердің болжамы бойынша, ауа райы негізінен жауын-шашынсыз болады, солтүстікте, оңтүстікте және орталықта – ауа температурасының төмендеуі. Республика бойынша тұман күтіледі.

Түнгі ауа температурасының ауытқуы болжанады: елдің батысында – 3-13 аяздан 5-18 аязға дейін, шығысында – 10-26 аяздан 7-20 аязға дейін.

Қалған аумақта ауа температурасының төмендеуі күтіледі: түнде солтүстік-батыста, солтүстікте – 10-20 аязға дейін, елдің орталығында – 13-25 аязға дейін, республиканың оңтүстігінде, оңтүстік-шығысында – 7-13, таулы аудандарда – 15-18 аязға дейін.