Қазақстандағы ауа райы туралы синоптиктер айтып берді.

20 ақпанда Қазақстанның барлық дерлік аумағы антициклон әсерінде болады, осыған байланысты жауын-шашынсыз ауа райы сақталады, тек республиканың батысында циклон шұңқырының әсерінен жаңбыр мен қар түрінде жауын-шашын күтіледі, көктайғақ құбылыстары мен желдің күшеюі мүмкін. Республика бойынша кей жерлерде тұман күтіледі, деп хабарлайды Total.kz.

Елдің бүкіл аумағында ауа температурасының жоғарылауы күтіледі.

Мәселен, термометр бағандары батыста түнде −5…+5 °C дейін, күндіз +2…+13 °C дейін көтеріледі.

Солтүстікте, солтүстік-батыста түнде −5…−16 °C дейін, күндіз −8…+2 °C дейін.

Орталық бөлікте және шығыста түнде −8…−17 °C дейін, күндіз −1…−10 °C дейін.

Оңтүстікте, оңтүстік-шығыста түнде −5…+5 °C дейін, күндіз +5…+13 °C дейін.