Синоптиктер жақын арадағы ауа райы туралы айтты.

«Қазгидромет» РМК мәліметінше, 25-27 ақпанда оңтүстік циклонының әсерінен Қазақстанның басым бөлігінде жаңбыр, қар жауады деп хабарлайды Total.kz.

25-26 ақпанда оңтүстік өңірлерде, 26 ақпан мен 27 ақпанға қараған түні оңтүстік-шығыс өңірлерде қатты қар жауады.
Сондай-ақ республика бойынша желдің күшеюі, төменгі боран, көктайғақ, тұман күтіледі.

Түнгі уақытта ауа температурасы солтүстікте, солтүстік-батыста, ел орталығында -8°С…-18°С-қа дейін, оңтүстікте, оңтүстік-шығыста -5°С…-12°С-қа дейін төмендейді. Елдің шығысында -15°С…-20°С-қа дейін, өңірдің оңтүстігінде -5°С-қа дейін көтеріледі.