Алдағы күндері ауа райы туралы синоптиктер айтып берді.

«Қазгидромет» РМК мәліметінше, Қазақстанның басым бөлігінде 29-31 тамызда ауа райының тұрақсыз сипаты күтіледі, найзағайлы жаңбыр мен екпінді жел соғады, бұршақ жаууы мүмкін, деп хабарлайды Total.kz.

Қазақстанның солтүстік-батысында, солтүстігінде, орталығында, оңтүстігінде және оңтүстік-шығысында қатты жаңбыр мен ауа температурасының біртіндеп төмендеуі болжанады.

Температураның ең көп төмендеуі республиканың солтүстік-батысы мен солтүстігінде күтіледі: мұнда түнде +3°С…+11°С, күндіз +10°С…+18°С болады деп болжануда.

Тек елдің шығысында, оңтүстігінде және оңтүстік-шығысында 29 және 30 тамызда жылы болады, 31 тамызға қарай түнде +10°С…+15°С, күндіз +20°С…+25°С дейін төмендеуі күтіледі.