Қазақстандағы ауа райы туралы синоптиктер айтып берді.

8 наурызда суық антициклон Қазақстан аумағына ығыса бастайды, бұл жауын-шашынның тоқтап, елдің солтүстік жартысында ауа температурасының айтарлықтай төмендеуіне әкеледі, деп хабарлайды Total.kz.

Алайда фронталды бөліктер республиканың оңтүстік өңірлеріне өз әсерін сақтайды: жаңбыр және қар түрінде жауын-шашын, таулы аудандарда қатты жауын-шашын күтіледі. Кей жерлерде желдің күшеюі, батыста шаңды дауыл, тұман, оңтүстікте найзағай күтіледі.

Орталық облыстарда түнде ‒13°С, күндіз ауа температурасы ‒5 °С болады деп болжануда.

Солтүстік бөлігінде түнде температура ‒21°С-қа дейін төмендейді, күндіз ‒13 °С-қа дейін көтеріледі.

Елдің батысында ауа температурасы түнде ‒7°С, күндіз термометр бағандары ‒2 °С шамасында болады.

Шығыс бөлігінде түнде ‒10 °С күтіледі, күндіз температура +2 °С-қа дейін көтеріледі.

Республиканың оңтүстігінде түнде +3 °С, күндіз ауа +7 °С-қа дейін жылиды деп болжануда.