Қазақстандағы ауа райы туралы синоптиктер айтып берді.

30 қаңтарда Қазақстанның басым бөлігінде атмосфералық фронталды бөліктердің өтуіне байланысты ауа райының тұрақсыз сипаты сақталады, осыған орай негізінен қар түрінде жауын-шашын өтеді, желдің күшеюі, боран, көктайғақ күтіледі. Республика бойынша кей жерлерде тұман күтіледі, деп хабарлайды Total.kz.

Солтүстік және орталық облыстарда түнде −20…−11 °С болжанады, күндіз ауа температурасы −14…−7 °С құрайды.

Елдің батысында түнде ауа температурасы −12…+1 °С, күндіз термометр бағандары −6…+2 °С көрсетеді.

Шығыс бөлігінде түнде −20…−16 °С күтіледі, күндіз температура −11…−9 °С дейін көтеріледі.

Республиканың оңтүстігінде түнде −7…−4 °С болжанады, күндіз ауа +2…+8 °С дейін жылиды.