Өздерін орган қызметкерлері ретінде таныстырған ер адамдар қала тұрғындарынан ақша бопсалаған.

Шымкентте ұйымдасқан қылмысқа қарсы күрес бөлімінің қызметкерлері күш қолданып, қала тұрғындарынан ірі көлемдегі ақшаны ашық иемденген үш ер адамды ұстады, деп хабарлайды Total.kz.

«Қылмыскерлер өздерін полиция қызметкерлері ретінде көрсетіп, үнемі ақша бопсалаумен айналысқан, сондай-ақ „қамқорлық“ үшін ай сайынғы төлемді талап еткен. Олардың біреуінен жалған полиция қызметкерінің қызметтік куәлігі тәркіленді. Екіншісі бұрын алаяқтық үшін сотталған. Мұндай әрекеттер өз міндеттерін адал атқаратын ішкі істер органдарының қызметкерлеріне көлеңке түсіреді. Сондықтан мұндай фактілер қатаң түрде жолын кесіледі. Олардың барлығы ұсталып, уақытша ұстау изоляторына қамалды. Бопсалау, тонау және билік өкілі атағын өз бетінше иемдену фактілері бойынша қылмыстық іс қозғалды. Қазір олардың басқа да осыған ұқсас қылмыстарға қатысы тексерілуде. Күдіктілерге 10 жылға дейін бас бостандығынан айыру жазасы қауіп төндіреді», – деп хабарлады ІІМ ресми өкілі Шыңғыс Алекешев.