Олар бұрын да осындай қылмыстар жасағаны үшін бірнеше рет қылмыстық жауапкершілікке тартылған.

Астана полицейлері сериялық интернет-алаяқтарды ұстады, деп хабарлайды Total.kz ҚР ІІМ баспасөз қызметіне сілтеме жасап.

Қарағанды және Павлодар қалаларының екі тұрғыны интернет-ресурстар арқылы астаналықтарды алдаған. Бірінші жағдайда 23 жастағы қарағандылық «ВКонтакте» әлеуметтік желісінде жалған аккаунттар жасаған. Бөтен адамдардың фотосуреттері мен жеке деректерін жариялап, ол туыстары мен жақындарын емдеуге ақша сұраған. Осылайша ол астананың 11 тұрғынын алдаған.

Екінші жағдайда 24 жастағы Павлодар тұрғыны ұсталды, ол жылжымайтын мүлік сайтында жоқ пәтерлерді жалға беру туралы хабарландырулар орналастырған. Тілек білдірушілерге мобильді банкинг арқылы 10 мыңнан 25 мың теңгеге дейінгі шағын алдын ала төлемді енгізуді ұсынған. Бүгінгі күні полицияға алданған бес астаналық жүгінген.

Жедел-іздестіру іс-шаралары барысында Есіл ауданының астаналық полицейлері алаяқтарды ұстады. Олардың бұрын да осындай қылмыстар жасағаны үшін бірнеше рет қылмыстық жауапкершілікке тартылғаны анықталды. ҚР ҚК 190-бабының 2-бөлігі бойынша сотқа дейінгі тергеу жүргізілуде. Қазіргі уақытта қалған жәбірленушілер анықталуда.