Тыйым салынған заттар интернет-дүкен арқылы сатылған.

Өскеменде облыстық прокуратураның үйлестіруімен есірткіге қарсы күрес басқармасының жедел уәкілдері тыйым салынған заттарды байланыссыз тәсілмен таратып, мессенджерлердің біріндегі интернет-дүкен арқылы «тауарды» сатқан 26 жастағы астаналықты ұстады, деп хабарлайды Total.kz ҚР Ішкі істер министрлігінің баспасөз қызметіне сілтеме жасап.

«Ер адамның аймақтық курьер және есірткі қоймасының ораушысы рөлін атқарғаны анықталды. Ол есірткінің ірі партияларын алып, заттарды жасырын орындарға орап салған. Оның жалдамалы пәтерін тінту кезінде 500 грамнан астам психотроптық заттар алынды», – делінген хабарламада.

Осы факті бойынша ҚК-нің 297-бабы 3-бөлігінің 1,3,5-тармақтарымен қылмыстық іс қозғалды. Күдіктіге 10 жылдан 15 жылға дейін бас бостандығынан айыру жазасы қауіп төндіреді.