Байлық пен кедейлік тағдырға қалай әсер етеді.

Канадалық физиологтар кедейлік пен байлықтың адам тағдырына әсерін зерттеді. Олардың қорытындылары 103 еріктінің өмірін бақылау нәтижесінде алынған деректерді талдауға негізделген, деп хабарлайды Rus.tvnet.

«Өмірдің алғашқы бес жылындағы отбасының әл-ауқат деңгейі адамның болашақ тағдырын анықтай алады», – деді мамандар бақылау қорытындысы бойынша.

Зерттеулер көрсеткендей, кедейлердің балаларының үлгерімі орта есеппен бай ата-аналардың балаларына қарағанда төмен. Массачусетс технологиялық институтының нейробиологтары алған мәліметтер бойынша, бай отбасылардан шыққан балалардың миындағы төбе және самай аймақтарындағы қабықтың қалыңдауы байқалады, бұл жоғары үлгеріммен тығыз байланысты.

Дьюк университетінің ғалымдарының әзірлемелері бойынша, кедей отбасылардан шыққан балаларда мидағы серотониннің таралуына жауап беретін SLC6A4 генінің өндірісінің өзгеруі тән. Сондықтан оларда депрессия және басқа психикалық бұзылулардың даму қаупі жоғары.

Ғалымдардың пікірінше, кедей отбасыларда өскен адамдардың ағзасында стресс гормоны кортизолдың деңгейі жоғары болады.

«Егер бұл гормонның концентрациясы үнемі жоғары деңгейде сақталса, адамға қорқақтық, үрейлілік және шамадан тыс сақтық тән болады», – деп түсіндірді ғалымдар.