Ведомство төтенше жағдай түзеу мекемесі қызметкерлерінің қараусыз қалдыруынан болғанын мойындады.

Ішкі істер министрінің орынбасары Игорь Лепеха үкіметтегі брифингте Абай облысындағы колониялардың бірінде сотталған адамның өлтірілуіне түсінік берді, деп хабарлайды Total.kz тілшісі.

«Иә, шынында да ондай жанжал болды. Кісі өлтіру оқиғасы орын алды. Оның қолында өзі жасаған біз (заточка) болды. Өкінішке қарай, біздің қызметкерлердің қараусыз қалдыруы екені түсінікті. Бейнебақылауды қарадық, сол кезде олар екеуі ғана болды, жат адамдар болған жоқ», – деді Лепеха БАҚ өкілдерінің сұрақтарына жауап бере отырып.

Ол осы факті бойынша қылмыстық іс қозғалып, колония қызметкерлері тәртіптік жауапкершілікке тартылғанын қосты.

«Олар бірге жазасын өтеп жатыр, камералас емес, бірақ бір бөлмеде болды. Қазір егжей-тегжейін айта алмаймын, бірақ бұл күндіз болды», – деді ІІМ басшысының орынбасары.

Бұған дейін БАҚ-та 5 қазанда бұрынғы құқық қорғау органдарының қызметкерлері ұсталатын колонияда екі сотталған арасында жанжал болғаны хабарланған еді. Соның салдарынан біреуі алған жарақаттарынан оқиға орнында қайтыс болды.