Атырау облысында 71 мыңнан астам оқушы ыстық тамақпен қамтамасыз етіледі.

2019 жылы Атырау облысының мектептерінде 71 217 оқушы ыстық тамақпен қамтамасыз етіледі, деп хабарлайды Total.kz.

Өңірлік коммуникациялар қызметінің мәліметінше, Атырау облысында оқушыларды ыстық тамақпен қамтамасыз етуге 2,1 миллиард теңге бөлінген.

«Ыстық тамақпен қамтылған оқушылардың жалпы санынан 58 573 бала – 1–4 сынып оқушылары, 5–11 сыныптар аралығындағы 12 644 оқушы – аз қамтылған отбасылар мен халықтың әлеуметтік қорғалмаған топтарынан. Қазіргі уақытта қаражат бөлініп, игеру жұмыстары жүргізілуде», – деп хабарлады облыстық білім басқармасы.