Ұйымның негізгі міндеттері мәдени-гуманитарлық ынтымақтастықты сақтау және нығайту болып табылады.

Сенат депутаттары пленарлық отырыста Орыс тілі бойынша халықаралық ұйым құруды қолдады, деп хабарлайды Total.kz тілшісі.

«Шарт үкіметаралық ұйым құруға бағытталған. Ұйымның мақсаты мемлекетаралық қарым-қатынас тілі, достық, тату көршілік, ұлтаралық келісім, сенім және өзара түсіністік қағидаттары негізіндегі қарым-қатынас құралы ретінде орыс тілін ілгерілету мәселелері бойынша қатысушы мемлекеттердің жан-жақты және өзара тиімді ынтымақтастығын нығайту болып жарияланды», – деп отырыста депутат Андрей Лукин хабарлады.

Оның айтуынша, ұйымның негізгі міндеттері достық, тату көршілік, ұлтаралық келісім, сенім және өзара түсіністік қағидаттары негізінде мәдени-гуманитарлық ынтымақтастықты сақтау және нығайту болып табылады.

Ұйымның қызметі озық цифрлық технологияларды пайдалана отырып, әлемдік орыстілді кеңістікте гуманитарлық байланыстарды дамытуға, білім беру ұйымдарының, ғылыми және қоғамдық бірлестіктердің өзара іс-қимылын қамтамасыз етуге, ғылыми және ғылыми-педагогикалық кадрлар даярлауға, орыс тілінен қатысушы мемлекеттердің тілдеріне, оның ішінде классикалық шығармаларды аудару үшін жоғары білікті аудармашылар пулын құруға, халықаралық ғылыми конференциялар мен халықаралық кітап көрмелерін өткізуге бағытталады деп күтілуде.

«Шарт Беларусь, Қырғызстан, Ресей, Өзбекстан және Тәжікстанда күшіне енді. Қазақстанда жауапты мемлекеттік орган болып Ғылым және жоғары білім министрлігі тағайындалды», – деп қорытындылады Лукин.