Тоқаев Арал теңізінің су ресурстарын мониторингілеу жоспарын әзірлеуге шақырды.

Қазақстан Президенті Қасым-Жомарт Тоқаев Душанбеде Аралды құтқару халықаралық қорының (АҚХҚ) құрылтайшы мемлекеттер басшылары кеңесінің отырысында сөз сөйледі, деп хабарлайды Total.kz тілшісі.

«Орталық Азияның су-энергетикалық ресурстарын тиімді пайдалану үшін өңірдің барлық елдерінің суару, гидроэнергетика және экология салаларындағы мүдделерін ескере отырып, ұзақмерзімді және тұрақты өңірлік ынтымақтастық тетігін құру қажет. Біздің ойымызша, мұндай тетік халықаралық су-энергетикалық консорциум болуы мүмкін», – деді Тоқаев.

Осы мақсатта мемлекет басшысы Арал теңізі бассейнінде су ресурстарын есепке алу, мониторингілеу, басқару және бөлудің бірыңғай автоматтандырылған жүйесін енгізу бойынша жұмыс жоспарын әзірлеуге шақырады.

«Бұл бастаманы іске асыру өңірде суды пайдаланудың ашықтығын қамтамасыз етеді және Орталық Азия елдері арасындағы диалог пен достықты нығайтуға ықпал етеді», – деп атап өтті Тоқаев.