Арналар чаттар мен қауымдастықтардан бөлек, «Өзекті» деген жаңа бетте орналасады.

WhatsApp мессенджерде арналарды іске қосуды жариялады, алдағы айларда олар барлық пайдаланушыларға қолжетімді болады, деп атап өтілген мессенджердің ресми блогында.

«Бүгін біз арналарды ұсынамыз – WhatsApp-тан шықпай-ақ адамдар мен ұйымдардан маңызды жаңалықтарды қадағалаудың қарапайым, сенімді және құпия тәсілі... Біз әлемдік жетекші БАҚ және Колумбия мен Сингапурдағы кейбір ұйымдармен ынтымақтасамыз, онда арналар ең алдымен қолжетімді болады. Алдағы айларда олар басқа елдерде де пайда болады, ал оларды кез келген пайдаланушы жасай алады», – делінген хабарламада.

Арналар чаттар мен қауымдастықтардан бөлек, «Өзекті» деген жаңа бетте орналасады. Арналардың әкімшілері оларға хабарламалар, фотосуреттер, бейнелер, стикерлер мен сауалнамалар жариялай алады, ал жазылушылар тек оларды көре алады. Жергілікті мемлекеттік органдардың жаңалықтары, спорт, хобби және басқа да көптеген контенті бар арналар каталогы жасалады. Қажетті арнаға каталог бойынша іздеу арқылы немесе чатта, электрондық поштада жіберілген немесе онлайн жарияланған шақыру арқылы өтуге болады.

Әкімшінің телефон нөмірі мен профиль фотосуреті жазылушыларға көрінбейтіні, ал жазылушылардың телефон нөмірлері арнадағы барлық адамнан, соның ішінде әкімшілерден де жасырылатыны атап өтілген. Сондай-ақ, ешкім пайдаланушының қандай арналарға жазылғанын көрмейді.

Сонымен қатар, әкімшілер өз арналарына кімнің жазылуына рұқсат етілетінін анықтау, өз арналарын каталог бойынша іздеу нәтижелерінен жасыру және арнаны қарау кезінде скриншот жасауға және одан контентті жіберуге тыйым салу мүмкіндігіне ие болады.

«Біз әкімшілерге үнемі дамып келе жатқан төлем қызметтеріміз арқылы өз арналарынан табыс табуға, сондай-ақ каталогта белгілі бір арналарды жылжытуға, оларға көбірек назар аудартуға мүмкіндік беруді жоспарлап отырмыз», – деп қосылған мессенджердің хабарламасында.