Дюссельдорф бас прокуратурасы оны ұйымдасқан қылмыспен байланысты алаяқтықта күдіктендіреді.

33 жастағы Дехран А., TikTok-та Әбделхамид бүркеншік атымен танымал, үлкен дауға тап болды, деп хабарлайды Total.kz Bild-ке сілтеме жасап.

Интернетте ол өзін ислам уағызшысы ретінде таныстырып, Меккеге баруға тырысатын қажылар үшін қайырмалдық жинайды. Алайда тергеушілер жиналған ақшаға Дехран А. сәнді өмір сүргенін анықтады.

«Дюссельдорф бас прокуратурасы оны ұйымдасқан қылмыспен байланысты алаяқтықта күдіктендіреді. Дехран А. ұсталған кезде тергеушілер оның пәтерінен бес Rolex сағаты, екі мың еуро қолма-қол ақша және Mercedes-AMG көлігін тәркіледі. Уағызшы жинаған қаражат көлемі 350 мың еуродан асты, алайда алдын ала мәлімет бойынша, оның тек бес мың еуросы қайырымдылыққа жұмсалған. Қалған қаражатты Дехран А. жеке қажеттіліктеріне пайдаланған деген күдік бар», – делінген хабарламада.

Прокуратура мәліметінше, Дехран А. екі азаматтығы бар – Германия және Солтүстік Македония. Оның Instagram-да 217 мың жазылушысы бар, онда ол 2021 жылдан бері ақша жинап келеді. Тергеушілердің ақпараты бойынша, алаяқтық схемасына Дехран А.-ның қызы және әпкесі де тартылған.

Күдікті Дубайға ұшпақ болған кезде ұсталды. Қазір ол қамауда.