Әйелдер ұрланған қаражаттың барлығын жеке қажеттіліктеріне жұмсаған.

Мейрамхана қызметкерлері өз шоттарына 13 миллион теңгеден астам ақшаны заңсыз аударған, деп хабарлайды Total.kz.

Мейрамхана желісінің иесі шотта үлкен жетіспеушілікті анықтап, полицияға жүгінген. Оның айтуынша, 2024 жылдың мамырынан желтоқсанына дейін кассадан 13 миллион теңгеден астам ақша жоғалған.

«Тергеу барысында екі қызметкер басшылықтың рұқсатынсыз мобильді қосымша арқылы ақшаны өз жеке шоттарына үнемі аударып отырғаны анықталды», – деді полицияда.

Жедел уәкілдер күдіктілерді анықтап, оларды полиция бөліміне жеткізді.

Әйелдер істеген істерін мойындаған, алайда ақшаны қайтара алмаған, себебі барлық соманы жеке қажеттіліктеріне жұмсаған. Қылмыстық іс қозғалды. Күдіктілер келу міндеттемесінде.