Үйден жиі кету, мектепте сабақтан қалу, есте сақтау қабілетінің нашарлауы, сынға орынсыз реакция — дабыл қағуға себеп болатын белгілер.

Өлімге әкелетін қауіпті тәуелділікке тек ересектер ғана емес, 15 пен 17 жас аралығындағы жасөспірімдер де ұшырауы мүмкін. Ата-аналар баласының дұрыс жолдан тайғанын қалай анықтауға болатынын нарколог Михаил Миронов түсіндірді, деп хабарлайды Total.kz РИА «ФедералПресс»-ке сілтеме жасап.

Ең алдымен дәрігер баланың мінез-құлқындағы өзгерістерге назар аударуға кеңес берді. Есірткі тек эйфорияны ғана емес, сонымен қатар агрессияны және айналада болып жатқан оқиғаларға немқұрайлылықты тудырады.

Үйден жиі кету, мектепте сабақтан қалу, есте сақтау қабілетінің нашарлауы, жасөспірімнің сынға орынсыз реакциясы, күтпеген көңіл-күйдің өзгеруі, үйден құнды заттар мен ақшаның жоғалуы, күдікті жаңа достардың пайда болуы, тәбеттің жоғалуы және басқалар — дабыл қағуға себеп болатын белгілер.

«Сыртқы келбеттегі өзгерістер: қарашықтар үлкейген немесе тарылған болуы мүмкін. Тері жиі бозарған, құрғақ немесе терлеген болып көрінеді», – деп қосты дәрігер.

Ол есірткіні ерекше сезімдер алу, стрессті жеңілдету және босаңсу, сондай-ақ компания үшін немесе сәнге еру үшін қабылдай бастайтынын атап өтті. Емдеу баланың «отырған» есірткі затының түріне байланысты болады. Алдымен мамандар тексеру мен диагностика жүргізеді, содан кейін емдеуді тағайындайды, оның ішінде еңбек және әлеуметтік оңалту да бар.