Көк шайды үнемі ішу кейбір қатерлі ісік түрлерінің пайда болу қаупін азайтады.

Көк шай салмақты, холестерин деңгейін бақылауға көмектеседі және бұл әлі бәрі емес, деп хабарлайды Total.kz Ferra-ға сілтеме жасап.

Көк шайдың құрамында метаболизмді жылдамдататын эпигаллокатехин галлат бар. Шайдан барынша пайда алу үшін құрамында кофеині бар сусынды таңдаңыз, үнемі спортпен айналысыңыз, төмен калориялы диетаны ұстаныңыз.

«Жапонияда 300 мыңнан астам адам қатысқан үлкен зерттеу күн сайын көк шай ішу барлық себептерден болатын өлім ықтималдығын төмендететінін көрсетті. Ең үлкен пайда күніне 5 кеседен артық ішетіндерде байқалды», – делінген материалда.

Ғылыми зерттеулерге сәйкес, көк шайды үнемі ішу кейбір қатерлі ісік түрлерінің пайда болу қаупін азайтады. Бұл шайдың антиоксиданттарға бай болуына байланысты.

Көк шайды ішу «жаман» холестериннің төмен деңгейімен байланысты. Ол үшін күніне 1-2 кесе ішу керек, бірақ сусынды қантпен шамадан тыс толтырмау керек.

Зерттеулер көк шайды үнемі ішу арқылы аш қарынға қандағы қант деңгейін төмендетуге және жалпы глюкоза метаболизмін жақсартуға болатынын көрсетті.