Қазақстан дәнді дақылының экспорт географиясы әлемнің 45 елін қамтиды.

Ауыл шаруашылығы вице-министрі Азат Султанов дәнді дақыл экспортының көлемін айтты, деп хабарлайды Total.kz тілшісі.

«2024-2025 маркетингтік жылында Қазақстан 13,4 миллион тонна дәнді дақыл экспорттады, бұл алдыңғы сол кезеңмен салыстырғанда (9,1 миллион тонна) 47%-ға жоғары және соңғы 20 жылдағы экспорттың ең жоғары көрсеткіші. Бүгінге дейін жаңа өнімнің 3,4 миллион тоннасы экспортталды, бұл өткен жылдың сол кезеңімен салыстырғанда шамамен 20%-ға көп», – деді Султанов Үкімет отырысында.

Экспорттық әлеует шамамен 13 миллион тоннаны құрайды.

Оның айтуынша, бүгінгі күні экспорт географиясы әлемнің 45 елін қамтиды, ал отандық дәнді дақылға сұраныс сақталуда.