Бөлінген қаражат ел халқының қажеттіліктерін қаржыландыруға бағытталады.

Жапония үкіметі Украинаға 13 миллиард иен (100 миллион доллар) көлемінде көмек бөледі, деп хабарлады Украина премьер-министрі Денис Шмыгаль. Жапония премьер-министрі Фумио Кисида наурыз айында Токионың Киевке 100 миллион доллар көлемінде қаржылық қолдау көрсететінін мәлімдеген еді, деп хабарлайды «Коммерсантъ».

«Бүгін үкімет отырысында Жапония үкіметімен 13 миллиард иен көлемінде көмек тарту туралы келісімдерді ресімдедік. Бұл біздің еліміздің, халқымыздың басым қажеттіліктерін қаржыландыруға арналған жеңілдікті қаражат», – деді украин премьері брифинг барысында.